Chalo Ek Naya Kavita Likhte Hain

Muddaton se khamosh kalam ka zameer Aaj jaag utha hai,

Yun kagaz pe ragad jaane ko woh aaj bechain bahut hai,

Kuchh halaton se gujar kar kuchh sabd woh sameta hai,

Chalo hum bhi thoda haath batayen,Chalo ek Naya Kavita likhte hain...

Tute hue dil ko samet kar chalo usse taak par rakhte hain,

Aur kya haal hai janab ka Aaj Kal Zara puchhte hain,

Kyun itne dino se woh khamosh tha, 'kahin kho to nehin gaya tha' puchhte hain,

Uski khone ki ehsaas ko chalo kuchh alfaaz de, chalo ek Kavita likhte hain...

Aao apni nazron ko aas paas ghumate hain,

Aankhon ke samne hai kuchh parde,uss parde ke paar dekhte hain,

Apne chere pe bhi dhool hai sayad chalo aaina dekhte hain,

Jo bhi dikhayi de woh sari sach likhte hain, chalo ek Kavita likhte hain ...