Mera Diya Hua Gulab Ka Khayal Rakhna

Mera diya hua gulab ka khayal rakhna ,

Woh mehej ek phool nehi Mera dil hai,sambhal ke rakhna,

Woh Chaar gulab mere dil ke Chaar tukde hain,

Jo hai tumhari Zindegi ki ird-gird me,usse bachake rakhna,

Pata hai kal Ya parson Woh sukh jayenge,usse phekna mat,

Kisi takiye ke niche Ya phirr kisi kitaab me unko chhupake rakhna..

Woh gulab ke pankhudiyan chune hue kuchh haseen lamhe hain,

Woh haseen lamhe jo gujri hain tumhare saath saath,

Bahut hi kimti hissa hai meri Zindegi ki,

Kuchh to mayine rakhti Hogi Teri Zindegi me,

Apni yaadon ki kuchh panno me unko sajake rakhna..

Mera diya hua gulab ka khayal rakhna.....

Papa Kehte The Bada Naam Karega (A tribute to BPUTians)

Papa kehte the bada naam karega,

Isiiye toh beta ko b.tech padhaya ,

Par saala bput me jaake barbaad hogaya,

Har semester me ek ek back jarur lagaya ,

Chaar saal me padhayi chhodke baki sab kiya,

Aakhir me campus ke naam pe thullu lekar aaya,

Orkut facebook se beta modern bangaya,

Phirr linkedIn me Khud ko engineer batlaya,

Pehle to project ke naam pe hazar ka chuna lagwaya,

Ab course ke naam pe toh lakho lutaya ,

Ab inn majburion ka faida sarkar ne bhi Khoob uthai ,

Naukri ke naam pe 100 100 rupiya leke khub ullu banayi,

ab Sab puchhte hain bete ki naukri kab lagega ?

bhagwan hi jaane kab uska beda paar karayega ?

Bura Naa Mano Holi Hai

Phagun ki matwari sham me,
Nikle hain nandlala meri gaon ki galiyon me,
Rongon me magan hai,
Gopiyon ke angan me,
Hathon me gullal liye tang kare sabko,
Unke phatkar ko bas ek hi jawab hai,
"Bura naa mano holi hai"....

Phagun ki halki si thandi shaam me,
Halki halki si sabnam ke barsat me,
Hum bhi nikle the doston ke saath,
Holi manane apnon ke saath,
Hari pili gullal se rangne sabko,
Labon pe bas ek hi naara liye,
"Bura na mano holi hai"....

Bhara hai rang sabke hathon me,
Magan hai sab ek alag sa pyaar me,
Rang lagate waqt na koi umar dekha,
Na koi riston ki pawandiyon ko socha,
Hari tau mujhe lagaye,maine lagaya sabko,
Ram chacha gussa kiye to maine bola,
"Bura na mano holi hai".....

Ek alag sa junun hai sabke dilon me,
Bhai kehke gale lagaya sabko iss holi me,
Ajnabi bane apne is phagun ke rang se,
Dushmann bhi bane dost ek chutki pili rang se,
Ram mara rahim ko,rahim mara sabko,
Karim ne gussa kiya to maine bola,
"Bura na mano holi hai".......

Aayithi unki yaad kalki tanha raat me,
Isiliye aaj mai aaya hun unki gali me,
Lagaya hun rang uski sakhiyon ko badi pyaar se,
Aur befikar hun unki gali ke kutton se,
Maine diya rang saala ko,usne lagaya sabko,
Jab gusse me didi uski bahar aayi,
Tab rang lagate pyaar se bola,
"Bura na mano holi hai".......

Sapnon Ko Wohin Chhod Aaye

Dil jis mod pe atka tha wohan se Usko khinch le aaye hain,

Apnon ko saath le aaye par kuchh sapnon ko wohin chhod aaye,

Phirr bhi kuchh apne chhut Gaye, jo Wada karke nibha nehin payen,

Unn dilbaron ko yaaden banakar itihaas me chhod aaye,

Kal tak jinko parhez thi meri khushiyon se unke dil na Tod paye,

Kuchh Aise doston ko apna dil Tod kar hasta hua chhod aaye,

Jis manzar se hum manzil tak na pahunch paye,

Kuchh Aisi namurad Manzilon ko raah badalte hue chhod aaye,

Udaas Zindegi me haath tham kar khushiyan dene bahut aaye,

Par unke bheekh ko Unhi ke jholi me hi chhod aaye,

Ek din chaand bhi apni chhat par aakar bola "kaid karlo",

Par humne bhi khuddari se usse wohin aasmaan pe chhod aaye,

Magar jab lehron ne pukari apni dil khol kar,tab hum bhi Kud pade,

Bina gehrai nape jazbaati bangaye aur apni jaan ko kinaron pe hi chhod aaye...

Aur Kuchh Bhi Nehin . . .

Tum hi jaano jaan-e-gazal humse kya khata hui?
Dil ne kiya jo nadaani woh pyaar tha aur kuchh bhi nehin,

Jo baat tumhe kubool na tha, usi baat ko majak sabne banaya,
Par dil ne jo kaha woh izhaar tha aur kuchh bhi nehin,

Kal tak thi jo surkhiyon me aaj logon ke jehen me bhi nehin,
Ab sab kehte hai woh majak tha aur kuchh bhi nehin,

Raat me kal tum aayi thi, khusnuma baarish me bhigoke chali gayi,
Sabaa ki sabnam me tanha payaa to samjha woh khwab tha aur kuchh bhi nehin,

Apna kehke jo bhi aaye zindegi me meri uljhane mitane,
Woh bhi kahan kam the, ek ek paheli the aur kuchh bhi nehin,

Karti rahi zindegi humse najaane kitne khilwad,
Jab haara tab samjha sab khel tha aur kuchh bhi nehin,

Wafadaari ke iss khel me wafaa karta raha yeh 'sahil'
Zafaa dariya se nehin tumse thoda khafa tha aur kuchh bhi nehin....

Awaaz Buland Honi Chahiye

Ginti me chahe hum kam ho,
Par awaazen buland honi chahiye,

Hathon me ungli chahe paanch ho,
Par ek band muthi banni chahiye,

Ho agar gardish me koi muskil,
Tab ungli awaaz banke uthni chahiye,
 
Katra katra khoon meri bahe watan ke liye,
Jawani me aisi koi zazbaat honi chahiye,
 
Woh hushn ho ya watan, Ishq zaruri hai,
Ek pukaar par jaan rakhde, aisi diwangi honi chahiye,
 
Yeh Gyan ko sab ke dilon me utarna chahta hun,
Jaise yeh zehhen me bas jaye, aisi razamandi rehni chahiye,

Baat agar bura lage to gali hi sahi,de dena,
Agar achha lage toh nirantar taali bajni chahiye..

Naya Saal,Naya Daur....

Jo pichhe rehjata hai woh waqt nehin, itihaas kehlaata hai,
Jo waqt ke saath nehin badla woh insaan nehin, bewkuf kehlaata hai,
Koi aisa kaam nehin jo chhut jata hai,
Manzil dilse chuno to rahe apne aap miljata hai....

Raat ki andheron se mat daro,sabera ka suraj naya raah dikhata hai,
Apni nakamayabi ko mat socho,dharya aur sahas naya takat deta hai,
Gujre saal ke har din kisi aur ka raha hoga,
Agle saal ke har din to apna hi hai........

Mausa Jee !

Mausa jee!

Ganga kinare baithe the,

Atma manthan me lage the,

Zindegi me kya khoye kya paye,

Sayad usika hisab kar rahe the,

Ganga kinare baithe the,

Atma manthan me lage the..

Mausa jee! 

Umr k aakhri padaw par the,

Galon me dadhi bojhal tha,

Aankhe bhi ojhal thi,

Chup chap baith kar,

Sayad Woh yadon ko samet rahe the,

Ganga kinare baithe the,

Aur atma manthan me lage the...

Mausa jee ! 

Nipat akele the,

Mausi k Bina Woh ghayal the,

Bite bagawat se sayad naraz the,

Par Woh fariyaad kare bhi to kis se,

Unko jo luta sayad sab apne hi the,

Ganga kinare baith kar,

Bas Woh atma manthan me lage the..

Mausa jee!

Chhup chhup ke ro rahe the,

Zindegi se sawal Woh puchh rahe the,

" kya kasar rah gayi" soch rahe the,

Halaton ke sabab jab Maine puchha,

Anjaan ho kar bhi mujhe Dua diye the ,

Ganga kinare ab hum dono bathe the,

Dono apni atma sudhan me lage the..

Jab Exam Hota Hai

Jab exam hota hai,
Sab likhte hain,
Hum tujhe dekhte hain,
Aur khayalo me dube rehte hain...||

Dekhta hun teri unn natkhat si ungliyon ko,
Aur unme lipti woh badmas kalam ko,
Aur uff, woh teri adaayen,
Kabhi likhti hai,
Kabhi bakti hai,
In hawaon ke saath,
Jo gunjti hai mere kano me,
Aur sukoon milta hai in dilon ko..

Koi kuchh kehta hai,
Toh likh leta hun tera naam lekar,
Kabhi answer paper me,
Aur kabhi question paper me,
Aur ye nazar,
Anzaane me phir pahunch jati hai tere paas..

Aur ye pure class ko pata hai,
Jab exam hota hai,
Sab likhte hain,
Hum tujhe dekhte hain,
Aur teri khayalo me khoye rehte hai....||

Koi Ajnabee Aisa Bhi Aaye.

Koi ajnabee zindegi me Aisa bhi aaye,

Tute sapno ko badi siddat se Woh sajaye,

Tuti bikhri Ye zindegi ko apni haathon se samete,

Kaash mere Har kadam par Woh saath chale.

Khamosh gujre inhi raaton me chand baaten Woh kahe,

Meri soch ko bhi Woh kahani banaye ,

Kaash Ye zindegi me koi ajnabee Aisa bhi aaye,

Suni padi inn bahon ko bhi Woh bharjaye.

Meri diwangi pe bhi Woh Dao lagaye,

Zindegi ko pichhe chhode mujhse zindegi Woh jod jaye,

Kaash Aisa koi ajnabee meri zindegi me aaye,

Ki Har mausam Woh meri saath nibhajaye.

Raat raat Woh mere kavita sune,

Meri labon ko woh chhu kar ek nai sur dejaye,

Kaash koi ajnabee Aisa bhi aaye,

Iss anjaan tarano ko duniya ki tarannum tak lejaye ....